غزل : اِس آئینۂ دل میں رخ ِ یار تو نہیں

غزل

اِس آئینۂ دل میں رخ ِ یار تو نہیں

ہے جاں کا اپنی کوئی طلبگار تو نہیں

اک آئینہ تھا جس میں ذرا بال پڑ گیا

یوں میرے تیرے درمیاں دیوار تو نہیں

کیوں آبلے یہ پاؤں سے ہیں بدگماں مرے

وہ راہ جس پہ چلتا ہوں پرخار تو نہیں

سر پر جہاں کے بوجھ ہو ایسا لگا مجھے

یہ عشق تیرا مجھ پہ گرانبار تو نہیں

کیوں کر رہا ہوں اپنے دکھوں کا حساب میں

میں بھی حریص ِ لذّتِ آزار تو نہیں

_______________

 

Rashid Fazli